Ungt og leikur sér

The Hunger Games **** (4 stjörnur)
Leikstjórn: Gary Ross
Leikarar: Jennifer Lawrence, Josh Hutcherson, Woody Harrelson, Elizabeth Banks, Lenny Kravitz, Stanley Tucci, Donald Sutherland, Wes Bentley

Þessi risastóra mynd er byggð á vinsælli skáldsögu eftir Suzanne Collins og gerist í ótilgreindri framtíð. Norður-Ameríka heitir nú Panem og er skipt niður í 12 fylki. Einu sinni á ári leggur hvert fylki til strák og stelpu (á aldursbilinu 12-18 ára) sem send eru í óhuggulega útsláttar-keppni þar sem 24 ungmenni berjast um sigur, en aðeins eitt þeirra mun lifa keppnina af.

Myndin er vandlega markaðssett fyrir unglinga sem hlusta á tilfinninga-þrungið indípopp, og minnir að mörgu leyti á kúltúrinn í kringum blóð-sugubókmenntir Anne Rice á 10. áratugnum. Það er leikkonan unga, Jennifer Lawrence (sem fékk óskarstilnefningu í fyrra), sem fer með hlutverk hinnar 16 ára gömlu Katniss Everdeen, en hún býður sig fram í stað yngri systur sinnar sem senda á í sláturkeppnina. Lawrence er hæfileikarík og hrífur áhorfendur með sér, en auk þess að vera leikin í bogfimi er Everdeen einnig hjartahlý og hugrökk.

Framtíðarheimurinn er íburðarmikill að sjá og sviðsmynd, búningar og hártíska undirstrika þann ógnvænlega hedónisma sem ríkir í Panem. Stanley Tucci er frábær í hlutverki smeðjulegs sjónvarpsþáttastjórn-anda sem skartar hvítustu tönnum sem sést hafa í bíó. Það er hann sem sér um að leiða lömbin til slátrunar, og það gerir hann með kynþokka og stæl.

Það er fyrri hlutinn sem gerir myndina að því sem hún er. Persónurnar fá góða kynningu, sem og sögusviðið, og hasarinn hefst ekki fyrr en seinasti áhorfandinn hefur gefið sig á vald sögunnar. Ef vel er rýnt má finna ágæta ádeilu á þann elegans sem umlykur stríðshetjur og þátt fjölmiðla í hernaðarbrölti Bandaríkjamanna og annarra. En þó við höldum okkur bara í grunnu lauginni er The Hunger Games spennandi, skemmtileg og eilítið öðruvísi mynd, og ekki eingöngu fyrir tárvota táninga.

Niðurstaða: Vel heppnuð vísindaskáldsaga sem flæðir vel.

Birt í Fréttablaðinu 29.3.2012

Auglýsingar

2 svör to “Ungt og leikur sér”

  1. Orri Freyr Says:

    Þessu verð ég að vera ósammála. Leiddist alveg ógurlega á þessari mynd, fannst hún of langdreginn og illa unnið úr góðri hugmynd. Hefði sjálfur viljað hafa myndina R16 og hafa hang drungalegri og meira brutal.

    En ég hlusta hinsvegar á Muse og horfi reglulega á Shawshank Redemption þannig að eflaust er ekkert mark hægt að taka á mér

    • Já hún hefði alveg þolað það að vera blóðugri, en hins vegar voru þetta allt börn og unglingar og Hollywood er ekkert sérlega hrifið af barnadrápum. Því kom það mér lítið á óvart að blóðið væri ekki meira.

      En jú það er hægt að taka mark á öllum. Líka þeim sem hlusta á Muse 🙂

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s

%d bloggurum líkar þetta: