Bíóin vilja að þú étir skít

Í stað þess að skrifa hjartnæman inngang um nauðsyn vatns til að viðhalda lífi á jörðu ætla ég að koma mér beint að efninu. Nú hafa nokkur kvikmyndahús tekið upp á því að vísa vatnsbetlurum frá sjoppunni og senda þá í staðinn með glas inn á klósett. Jafnvel þó þeir versli í sjoppunni. Vatnsbetlararnir mega fá gos og popp, nachos og ís, súkkulaði og hlaup (gegn greiðslu að sjálfsögðu), en ef þeir vilja óbragðbætt vatn verða þeir að sækja það úr klósettvaskinum. Lystaukandi ekki satt?

Ég lenti í þessu síðast í gær. Keypti stórt gosglas fyrir annan en bað um vatn fyrir mig (línurnar sko). Afgreiðslustúlkan var alveg til í að taka við fullt af peningum frá mér fyrir gosinu, en hún var ekki til í að snúa sér við og gefa mér vatn úr krananum, sem var bæðevei jafnlangt frá henni og gosmaskínan. Þegar ég afþakkaði klósettglas spurði hún mig hvort ég ætlaði þá bara að fá gosið. Ég velti því fyrir mér hvort það sé algengt að fólk hafi ekki lyst á því að sækja vatn inn á bað og kaupi þess í stað kolsýrt flöskuvatn á uppsprengdu verði.

Er nauðsynlegt að vera svona rosalega gráðugur? Voru svona margir að biðja um vatn úr krananum að afgreiðslan fór öll úr skorðum? Þarf bíóið að fá greitt fyrir hvert einasta handtak sem starfsfólkið gerir, og ef það er ekki hægt að setja verðmiða á það (eins og kranavatn) þá er það ekki í boði? Má ekki líta á það þannig að bíógestir séu búnir að greiða fyrir vatnsgreiðann með því að kaupa popp, já eða bara bíómiðann sinn? Finnst forkólfum kvikmyndahúsanna þeir í alvörunni vera að gera kúnnunum rosalegan greiða ef þeir leyfa starfsfólki sínu að gefa þeim vatn? Varla myndu þeir hleypa mér inn með vatnsflösku að heiman?

Og af hverju viljum við síður fara með tómt glas inn á klósett? Jú vegna þess að þar mígur fólk og skítur. Af sömu ástæðu er fólki ráðlagt að geyma tannburstann sinn ekki nálægt salerninu, vegna þess að þar svífa allskonar sýklar og gerlar um sem óæskilegt er að berist í munn. Maður getur rétt ímyndað sér hversu margfalt fleiri míkróskópískir moðerfokkerar eru í loftinu á almenningsklósetti en á baðinu heima. Allavega ef styrkleiki þvag- og saurlyktar er einhver vísbending. Það má því orða það sem svo að með því að senda viðskiptavini sína inn á klósett með glas séu kvikmyndahúsin að segja þeim að éta skít.

Auglýsingar

10 svör to “Bíóin vilja að þú étir skít”

  1. Orð í belg. Kannski að ég fari að fred dursta rykið af beinum aðgerðum mínum gegn bíóunum eins og maður stóð í þegar maður var yngri og hugrakkari. Þetta æsir amk upp þær kenndir (réttlát reiði) í manni.
    Góður pistill og hugvekja. Er þetta svona í Bíó Paradís? Say it ain’t so.

  2. Háskólabíó er með vatn í hefðbundnu kókglösunum tilbúið í kæli í sjoppunni, held ég hafi lent í þessu klósettatriði í Kringlubíó og Laugarásbíó

  3. signý Says:

    Þetta mun aldrei gerast í Smárabíó eða Háskólabíó. Ef starfsmenn vita að það er stór innhleyping/hé framundan eru þeir oftast búnir að útbúa ísköld vatnsglös svo afgreiðslan gangi hraðar fyrir sig:) Það er að hluta til af því að í klósettvöskunum er aðeins volgt vatn, en samt, í Laugarásbíó held ég að þau hafi bætt við sérstökum vaski með stillanlegum vatnshita svo þau geti rétt viðskiptavinum glas og bent þeim á klósettið…

  4. Baldur Says:

    Það eina rétta í stöðunni væri að bíóin myndu setja upp vask fyrir utan klósettin til þess að afgreiða vatn. Öll vandamál leyst.

  5. Laugarásbíó er eina bíóið sem hefur sent mig inná baðherbergi til að sækja vatn.

    Þegar ég spurði um ástæðuna var svarið að þau væru bara með einn krana fyrir aftan afgreiðsluna og þessi krani var bara með blandað vatn. Held að það sé engin illska bak við þetta.

  6. […] síðustu viku þusaði ég um vatnsnísku íslenskra bíóhúsa og hvernig þau senda kúnnana inn á klósett til að svala þorsta sínum. Ég nefndi engin […]

  7. Kristófer Says:

    Glösin kosta hálviti..

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s

%d bloggurum líkar þetta: